26 November

Við skulum íhuga hvað áunnist hefur með nýjum lífsháttum okkar. Við höfum losnað við mikið af ótta okkar, gremju, minnimáttarkennd, neikvæðum sjónarmiðum, eigingirni, nöldri, móðgunargirni, samviskukvölum, frestunaráráttu, hömlulausu kynlífi, sóun fjármuna, leiðindum, uppgerðar fullkomnunaráráttu, afbrýðisemi og öfundsýki. Við erum fegin að vera laus við drykkjuskapinn, og við erum líka fegin að vera laus við fyrrtalda bresti. Nú getum við haldið fram sem horfir í nýjum lífsháttum eins og AA-stefnan boðar. Er ég tilbúinn að halda áfram á nýju lífsbrautinni?

„Hann sem hefur augu til að sjá, látum hann sjá“. Sjáandi auga sér góðan heim. Bið því um glöggt auga, svo að þú sjáir tilgang Guðs í öllu, sem gott er. Bið þú að trú þín verði nógu sterk til þess að þú sjáir umhyggju Guðs gagnvart þér. Reyndu að sjá hvernig Guð hefur hingað til komið þér heilum í höfn, svo að þú mættir verða til gagns í þessum heimi. Trúin gefur þér sjón til að sjá umhyggju Guðs og tilgang hvarvetna.