15 grudnia

Umhyggja fyrir öðrum bætir veröldina. Siðmenningin myndi líða undir lok ef við einblíndum alltaf öll aðeins á eigin hag. Við alkóhólistar höfum stórfenglegt tækifæri til að leggja okkar að mörkum til velfarnaðar umheimsins. Við eigum sameiginlegt vandamál. Við finnum sameiginlega lausn. Við erum sérlega hæf til að hjálpa fólki sem glímir við sama vandamál. Mikið yrði heimurinn indæll ef allir tækju fyrir sinn stærsta vanda, fyndu á honum lausn og eyddu frístundum sínum það sem þeir ættu ólifað við að hjálpa öðrum sem ættu við sama vandamál að glíma. Heimurinn yrði brátt eins og hann ætti að vera. Met ég að verðleikum einstætt tækifæri mitt til að vera til þjónustu?

Unnt er að lifa í dag í meðvitundinni um eininguna við Guð, sem er styrkur þinn til góðra hugsana, orða og verka. Ef stundum virðist skyggja í tilveru þinni og þér finnst þú ekki vera vel upplagður, skaltu muna að það stafar ekki af því að Guð er ekki með þér, heldur af því að þú ert tregur á að skynja nærveru hans þá stundina. Þöglu gráu dagarnir eru dagar skylduverkanna, en vita skaltu að meðvitundin um nálægð Guðs mun koma á ný og vera með þér, þegar gráu dagarnir eru liðnir.