24 grudnia

Við höfum öðlast nýtt líf, bara af því að svo vildi til að við urðum alkóhólistar. Við verðskuldum sannarlega ekki þetta nýja líf. Það er fátt eitt í fortíð okkar sem réttlætir líf okkar nú. Margir lifa góðu lífi allt frá barnæsku, komast aldrei í alvarleg vandræði, aðlagast lífinu vel, samt hafa þeir ekki öðlast allt það sem við ofdrykkjumenn höfum náð. Við vorum svo heppin að finna AA-samtökin og þar með nýtt líf. Við erum meðal hinna örfáu heppnu í heiminum, sem hafa lært nýjan lífsmáta. Er ég innilega þakklátur fyrir það nýja líf, sem ég hef lært að lifa í AA?

Við erum snortin djúpu þakklæti til æðri máttar fyrir alla þá óverðskulduðu blessun, sem við höfum orðið aðnjótandi. Við þökkum Guði af öllu hjarta. Þakklætið fyrir það, sem okkur féll í skaut, kemur fram í löngun til að þjóna öðrum. Það hefur í för með sér að við fórnum einhverju af okkur sjálfum og okkar hag. En við gerum það með ánægju. Þakklæti, þjónusta og fórnfýsi eru skref, sem liggja til góðra AA-starfa. Þau ljúka upp hurðum okkar nýja lífs.